Согласно Програмата за работа на Здружението на професори по географија на Македонија „ПРОФ. Д-Р ЉУБЕ МИЛЕНКОВСКИ“- Скопје, на 28.02.2019 година, беше одржана седница на Извршниот одбор и членовите на највисоките тела на ЗПГМ „ПРОФ. Д-Р ЉУБЕ МИЛЕНКОВСКИ“ – Скопје.
На состанокот, претседателот на Здружението, проф. д-р Аце Миленковски, се осврна на динамиката со која треба да се реализира програмата за работа во 2019 година.
Покрај тоа, тој даде информирмација дека со одлука на Сенатот на УТМС, доделени се уште 10 стипендии за студирање на членови на ЗПГМ „ПРОФ. Д-Р ЉУБЕ МИЛЕНКОВСКИ“- Скопје, за што дополнително ќе биде спроведена соодветна процедура.
Главен акцент на состанокот беше ставен на тековните состојби и проблеми со кои се соочуваат нашите членови при подготовка и реализација на наставата, како што се недостигот од учебници за основно и средно стручно образование и недоволната застапеност на предметот географија во средното гимназиско образовани.
И со оваа седница, се потврди континуитетот во реализирање на активностите, како и транспарентност во работењето на нашето Здружение.
